حشرات بشرية ونهايات كونية
قراءات الأسبوع:
بحب تجسيد الحشرات في حياة يومية شبيهة بحياة البشر (رغم خوفي من الحشرات نفسها في الحياة الواقعية)، لكن الحشرات، الأسماك، الحيوانات، وحتى خلايا الجسم في حياة واقعية يستخدمون ما يستخدمه البشر في حياتهم اليومية قد يكون من أشيائي المفضلة في الكتب والأفلام. في هذه القصة تعيش الحشرات حياة شبيهة بحياة البشر وبين الحين والآخر يفعلون شيئاً يذكّرك بأنك تقرأ قصة عن مستعمرة حشرات: من هنا
مقال من كتاب عن هوس البشر بالطيران، مثير للاهتمام وحفزني لقراءة الكتاب نفسه: من هنا
عن الفن السريالي والتروما التي تسببت بظهوره: من هنا
كتب الأسبوع:
Blemish by Bradford D. Smith II:
رواية مصورة قرأتها من موقع نيتغالي، وحتى الآن مش فاهمة الهدف منها. هي رواية أكشن على مغامرات عن مغامرة على جلد الإنسان بين الحبوب الشريرة اللي بتظهر على البشرة والبطلة اللي بتحمي البشرة منهم. حتى الآن مش فاهمة إذا كان الهدف منها تعليمي (لأن كان فيها جزء كبير بيشرح جسم الإنسان وبالذات الجلد والبشرة) أو إذا كان الهدف منها ترفيهي (فأنا محسيتش بأي ترفيه إطلاقا)، وحتى مش عارفة مين المستهدف منها، إذا كان الكبار ولا الصغار. يعني كتاب كان محير فعلاً.
عبث الأقدار لـ نجيب محفوظ:
كنت بحاول أقرأ الفترة دي أعمال أكتر عن مصر القديمة والفراعنة والميثولوجيا المصرية، فكنت بدور في كل الكتب الورقية عندي اللي تمس الموضوع ده، وكان عندي الرواية دي لنجيب محفوظ وهي عن الملك خوفو والنبوءة اللي بتوصله عن طفل هينتزع العرش من نسله ومحاولته للقضاء على الطفل ده، وبتبدأ بعدها رحلة تعج بسخرية الأقدار. مكتوبة حلو حتى وإن كنت بلاقي نفسي بفضّل كتابات محفوظ القائمة على الحارة والحياة المصرية.
The Empty Box and Zeroth Maria, Vol. 7 by Eiji Mikage:
ختام سلسلة الروايات دي، وبجد منبهرة من التحول الجذري اللي مرت به هذه السلسلة. أول كتاب كان لطيف مع بعض المغامرات ولمسة بسيطة من السوداوية: عن ولد في الثانوي، حلمه هو المحافظة على الروتين اليومي السعيد لحياته، لكن كل ده بينهار لما بيلاقى نفسه في مواجهة “صناديق”، بيستخدمها الناس لتحقيق أحلامهم وأمنياتهم، وفي كل جزء بنشوف صندوق مختلف وأمنية كئيبة بتتحقق عن طريقه بطرق تزداد دموية ورعبا مع كل كتاب. وسط كل ده، بطلنا بيقع في حب البطلة ماريا، وبنشوف علاقتهم بتتطور ازاي مع كل جزء، وكمان علاقته بأصدقائه في المدرسة. يعني بتطرح تساؤلات عن الإرادة الحرة والأمنيات وهدف الشخص من الحياة.
بدأت قراءة:
The Nice House on the Lake:
سلسلة كوميكس كنت مهتمة بيها من فترة طويلة. رعب على خيال علمي عن عالم بينتهي وبنتابع وسط انتهاء العالم مجموعة من الأشخاص محبوسين في منزل رائع على بحيرة جميلة، حبسهم في المكان ده الشخص نفسه اللي تسبب بانهيار العالم. مهتمة أشوف هتخلص على ايه.
The Paper Menagerie and Other Stories:
مجموعة قصصية خيال علمي لـ كين لو. قرأت منها أول قصة وهي عن ثقافات مختلفة وازاي كل ثقافة فضائية منهم بتكتب الكتب وازاي بتقرأها وكانت بديعة فعلا.
مشاهدات الأسبوع:
Remains of the Day:
دي كانت أول رواية أقرأها لـ كازو إيشيغورو، ومن وقتها وأنا عايزة أشوف الفيلم المقتبس منها. بطولة إيما تومبسون وأنتوني هوبكنز في فيلم هادي ورقيق وشديد الحزن إلى درجة لم أتوقعها. بنتابع فيه عدة أزمنة، وبنشوف أنتوني هوبكنز في دور كبير خدم متفان جدا لوظيفته على حساب حاجات كتيرة في حياته منها علاقاته بالآخرين وسعادته وصحته وكل شيء تاني، وإيما تومبسون اللي بتدخل حياته وبتغير فيها قد ما بتغير، لكن بيظل تعنته سبب أذاه لنفسه وليها. يستحق المشاهدة فعلا.
Harry Potter and the Half-Blood Prince:
الفيلم ده كان لحظة سطوع توم فيلتون.
All Cheerleaders Die:
فيلم رعب مبتذل، كانت بدايته مشجعة، لكن انتهى نهاية غبية بصراحة. بنشوف في الفيلم ده بنت بتدخل فريق المشجعات عشان تنتقم من قائد فريق كرة القدم وبتدخل وسطهم وتبدأ تسبب الخلافات. بعد حادث ما، بتتحول مجموعة من المشجعات إلى زومبي مصاصي دماء نوعا ما وبتبدأ رحلة انتقام. كان ممكن يبقى واحد من الأفلام المبتذلة الممتعة اللي أرشحها، لكنه كان سيئا أكثر من توقعاتي المنخفضة له حتى.
بدأت مشاهدة:
مرحبا دولة:
المسلسل اللبناني الكوميدي السياسي المشهور المسخرة. هتكلم عنه أكتر في النشرة الجاية لما أكون خلصته.
لينكات وفيديوهات الأسبوع:
الكثير من أخبار الأفلام الشيقة في مجموعة اللينكات دي:
أول صور من فيلم زيلدا الجديد المستوحى من ألعاب زيلدا ولينك، وبصراحة الممثلين شكلهم لايق على الدور، هننتظر نشوف الأداء: من هنا
إعلان فيلم “نايفز أوت” الجديد. أنا في قمة الحماس له: من هنا
سابرينا كاربينتر هتبقى بطلة فيلم أليس في بلاد العجائب. يعني ايه؟ أليس طفلة، هل هيعملوها شخصية كبيرة ولا هنشوف تجسيد لفكرة أليس في مصحة نفسية وكل اللي شافته تهيؤات مرضية؟ مش هنكر حماسي للفيلم ده: الخبر من هنا
سيعود بريندان وريتشل في فيلم مومياء جديد!!! أنا مش بعترف بالجزء اللي عمله توم كروز أصلا، والاتنين دول عملوا مع بعض أجمل أفلام أكشن ومغامرة وكوميديا ورومانسية. في قمة الحماس له: من هنا
فيديوهات حيوانات لطيفة تخفف من حزن الأسبوع: فيديو قطة مع كلب - فيديو كلب
فلوج هادي ولطيف من شخصية مبدعة للغاية: من هنا
“One day, this will all be over. Yet the fact will remain that we were here once, beneath all that lace. The fact needs no proof. We were here. What great fortune. For what? we kept demanding. For what? For what? For what? For what? But when a tree sprouts from the ground, it doesn’t demand answers; when its blossoms grow tired and heavy, it lets them drop. After all our trouble, is that it, then? Did it all mean nothing but itself?”
― Vauhini Vara, The Immortal King Rao
حلقات بودكاست الأسبوع:
(Dear Hank and John): 433: Making the Ice
أشياء ألهمتني\أسعدتني هذا الأسبوع:
كتب أضفتها إلى قائمة أمنياتي:
انا متابعاكي من اليوتيوب لكن دي اول مرة اقرالك النيوزليتير و بجد حبيتها خالص و الان في رحلتي لقراءة النيوزليتيرز السابقة